Parabéns!

O Ministerio de Cultura e Deporte, a través da Dirección General del Libro, del Cómic y de la Lectura e da Subdirección General de Coordinación Bibliotecaria, impulsa a celebración do Día das Bibliotecas cada 24 de outubro. 

Esta iniciativa partiu en 1997 da Asociación Española de Amigos del Libro Infantil y Juvenil, coa colaboración e co apoio de ANELE (Asociación Nacional de Editores de Libros y Material de Enseñanza) e do Ministerio de Educación e Formación Profesional. En 1992 a Biblioteca Nacional de Saraxevo quedou totalmente derruída debido ao conflito bélico dos Balcáns. Esta foi a imaxe gravada na mente do mundo: o músico Vedran Smailovic tocou o seu violonchelo entre os lixos do fermoso edificio.

A edición deste ano, baixo o doble lema "Aptas para todos os públicos" e “Contra a desinformación: bibliotecas”, destaca o papel das bibliotecas de diferente tipoloxía como espazos libres e abertos que dan acceso á información e á súa veracidade en tempos de bulos.

Asemade, os “hasttaggs” que podemos empregar nas redes sociais son: #DíaDasBibliotecas #ContraaDesinformaciónBibliotecas. O obxectivo é converter a conmemoración en “trending topic”. 

E na nosa Biblioteca do IES Mendiño, que actividades propoñemos?

En breve, haberá máis novas... Atentos e atentas!