Buxainas ao camiño e noces a roliño!

A Balteira non para!

Agora deulle por prepararvos mesas temáticas segundo a festa conmemorativa anual na que toque disfrutar. 

É tempo de samaín e tempo de magosto, por iso elixiu esta proposta variada de cine e lectura. 

Na Biblioteca podes escoller entre o film El silencio de los corderos, películas de Hitchcok (Sospecha, Vértigo) ou acompañar a Fiz de Cotovelo xunto coa Santa Compaña en El bosque animado, entre outras suxestións.

En literatura xuvenil e en cómic tamén poden facer as delicias de todos e todas El extraño caso del doctor Jekyll y el señor Hide, El señor de las moscas, Mortos en vida, Tres historias para ler á noite, O libro dos aparecidos ou os volumes Relatos de monstruos ou Relatos de fantasmas.

Xa dentro da literatura non xuvenil, dous clásicos non poden faltar na Biblioteca: Drácula e Frankenstein. 

No mes de Santos, se desexas vivir emocións fortes, se es dos entusiastas do medo e do terror..., agardamos que a nosa escolma cause en ti momentos arrepiantes...